លោក សុខ សម្បត្តិនាំយកអំណោយមនុស្សធម៌ទៅចែកជូនដល់ប្រជាពលរដ្ឋ ដែលរងគ្រោះដោយសារខ្យល់កន្ត្រាក់
09-June-2016 | ដោយ មែន កំសត់
ភ្នំពេញ៖នារសៀលថ្ងៃទី ៨ ខែ មិថុនា ឆ្នាំ ២០១៦នេះ ក្រុមការងារអនុសាខាកាកបាទក្រហមកម្ពុជា ខណ្ឌព្រែកព្នៅ បានចុះសាកសួរសុខទុក្ខ និងនាំយកអំណោយមនុស្សធម៌របស់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ទៅចែកជូនដល់ប្រជាពលរដ្ឋ ដែលរងគ្រោះដោយសារខ្យល់កន្ត្រាក់កាលពីល្ងាចថ្ងៃទី៧ ខែមិថុនា ឆ្នាំ២០១៦ ចំនួន ៧ គ្រួសារ ដែលរស់នៅក្នុងភូមិគ្រួស ភូមិ សំរោងកណ្តាល និងភូមិសំរោងត្បូង សង្កាត់សំរោងខណ្ឌ ព្រែកព្នៅ រាជធានីភ្នំពេញ ។
លោក សុខ សម្បត្តិ ប្រធានកិត្តិយសអនុសាខាកាកបាទក្រហមកម្ពុជា ខណ្ឌព្រែកព្នៅ បានមានប្រសាសន៍លើកឡើងពីការយកចិត្តទុកដាក់គិតគូរខ្ពស់ជាប់ជានិច្ចពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដល់សុខទុក្ខប្រជាពលរដ្ឋដែលរងគ្រោះ និងងាយរងគ្រោះដោយប្រការផ្សេងៗ មិនថាទីជិតទីឆ្ងាយ គ្រប់ច្រកល្ហក ពោល(ទីណាមានការលំបាក ទីនោះមានកាកបាទក្រហមកម្ពុជា) ។
អំណោយដែលបានចែកជូនគ្រួសារនីមួយៗទទួលបាន៖ អង្ករ៣០គីឡូក្រាម មី១កេស ទឹកត្រី ១យួរ ត្រីខ១០កំប៉ុង ឃីត១ក្នុងនោះមាន(មុង១ ភួយ១ ក្រមា១ សារុង១) និងថវិកាចំនួន៨ម៉ឺនរៀល ។
ដោយឡែកគ្រួសារ លោក អៀម សយ ភូមិសំរោងកណ្តាល អនុសាខាកាកបាទក្រហមកម្ពុជាខណ្ឌព្រែកព្នៅបានឧបត្ថម្ភចំនួន ១០០ ដុល្លារ។ ដោយសារតែផ្ទះរបស់គាត់ត្រូវបានខូចខាតស្ទើរតែទាំងស្រុង។
ចំនួនអ្នកទស្សនា
- ថ្ងៃនេះ3701
- ម្សិលមិញ2931
- សប្តាហ៍នេះ15891
- ខែនេះ3701
- ឆ្នាំនេះ986921
- សរុប20214367